蛙 16-5-2011 22:07
我地D官識做D乜
[b][color=Red]交通費加，佢話可加可減機制無得郁，要政府補貼會好麻煩，唔好累D官們攪咁多野，一陣又要入廠大修點算，你地等多一兩年再算，捱住先啦！
樓價狂升，佢話自由市場，已密切留意，但佢要升亦無能為力，繼續留意就是！
最低工資攪出個大頭佛，佢話要顧主講良心，唔加到夠就係無良，請問聲點解唔話狂加舖租，狂加電費水費，燈油火蠟樣樣都加既唔算係無良？第時人地賣一舊水一碟乾炒牛河至維到皮費時，又話人地無良老細，瘋狂加價，不理人家死活，講到尾，自由市場，又係為官既無能為力！
通貨膨脹，負利率，又係因與美圓掛鉤的多年舊事，聯繫匯率制度行之有年，少做少錯，改左有錯點算，一句唔改得，蟻民又要強吞埋佢！
油價加快減慢，又係無法控制，繼續留意就是！衣食住行樣樣都加，都係監察住先，乜都幫唔到的了！
最攪野係整個旅遊助學出黎，我地既師長真係未試過乜叫窮，乜野叫做賤，怪不得連一般茶餐廳賣緊幾錢碟粟米石班飯都未知，真係不食人間煙火，佢話唔遊學就學唔到野返黎，真係唔知乜野道理，小蛙真係想知三千蚊又可以去得邊處學法？？我地由細到大直至出黎做野多年都未坐過飛機，怪不得到今時今日小蛙都重係一事無成，蟻民一大隻，真係頂佢頂埋佢全家唔順。有心幫大家就不如將三千大圓津貼下書簿費，咁樣書商、家長、老師同校長們咪皆大歡喜囉，比遊學有益有建設性得多，但我地既父母官又係諗都費事諗，繼續遊學算了！
我地偉大的領導、師局長高官們，你地究竟可以幫到我地蟻民D乜??可以做到D乜出黎？？計黎計去最偉大都係津貼幾舊水電費同埋好唔願意咁派幾千銀過我地，杯水車薪，但到而家都重未知幾時收到錢，唉！你地萬萬聲月薪當然可以慢慢咁等下監察下研究下，但一般蟻民已陷水深火熱之中，大家睇黎都係坐以待斃算了！有時真想京官治港，最起碼交通費唔比加、水電費無得加，連即食麵都話唔準加，點都可以幫補蟻民一下！[/color][/b]
[098eb4a5 [1_ (10) [1_ (22)
豕者 25-3-2012 15:41
[b][size=7][color=darkorange]佢地乜Q都識做
只係唔識做官[/color][/size][/b]