Board logo

標題: 港島太平洋酒店抵食自助晚餐 [打印本頁]

作者: 大口仔    時間: 8-8-2010 07:15     標題: 港島太平洋酒店抵食自助晚餐

今時今日百物騰貴,飲餐茶食餐飯都要百餘圓一人,在四星級酒店用自助晚餐通常都要過三、四百才能落樓,此酒店現今做特價推廣,試過後質素不錯,值得向大家推介。星期六當晚全場滿坐,要試請預早訂位,免得白行一趟。

食品包括燒羊架、黑毛豬扒、各式壽司及魚生、長腳蟹、大蝦伊麵、八寶冬瓜盅、天山雪蓮辣酒煮翡翠螺、桂花雪耳香芒糯米卷、宮保蝦沙律配雲吞、多款糕餅甜點,雪糕冰條等。

評語 :

訂位時可要求面向海景之坐位,窗外景觀不錯,侍應服務有禮,收碟、加酒水及轉換菜式亦算快捷,唯一缺點是長腳蟹限量供應,有搶食及斷供之情況。另外交通亦不太方便,無地鐵直達,巴士路線多要轉駁,祇有電車可以直達門前。但整體而言以約兩百圓之代價能有此享受算是不錯了!





詳情 :

無限量供應飲品包括汽水、橙汁、啤酒、紅/白餐酒。

客人於生日之月份惠顧自助晚餐可免費獲贈一磅生日蛋糕一個。客人須于兩日前預訂。

成人
HK$278 (星期一至四)
HK$288 (星期五至日、公眾假期及其前夕)

小童/長者
HK$188 (星期一至日)

即日起至2010年11月30日前惠顧南北美饌自助晚餐可享7折優惠(使用白金信用卡有68折)
價目另收加一服務費

訂座電話:(852) 2131 5908
地址: 香港干諾道西152號香港港島太平洋酒店 (近西營盤正街)




雖不是坐擁無敵海景,但用餐時值黃昏,夕陽西下另有一番景像





藍青口、白灼蝦、沙白、宮保蝦沙律配雲吞





天山雪蓮辣酒煮翡翠螺、煙鴨胸 (非急凍貨,嫩滑好味)






長腳蟹 (手快有手慢無),翡翠螺,大大只,好味!





魚生及壽司





冷麵,各款日式食品





燒羊架 (必食回本推介),蛋沙律





炒蜆,京都和牛粒,炸魚柳 (當晚無蒸魚),翡翠螺食完再添食,可知點好食了!





桂花糕,各款慕絲





多款糕餅,最前有椰絲的是桂花雪耳香芒糯米卷,好味!





多種串燒,左2係和牛粒,肥美汁多又嫩滑 (回本推介)、正!





各式水果,長期供應不斷





有人生日,送只芝士餅,連買蛋糕錢都慳回,就算兩個人食都有得送,單買個餅都要過百 (最重要係吹完臘燭影完相可以打包取走)


作者: Nn    時間: 8-8-2010 22:09

睇落好好味咁喎,幾時請客,記得預埋我.
作者: 海洋風鈴    時間: 9-8-2010 21:30

好正喎, 三百蚊都唔使. 都幾扺扺食
作者: 蛙    時間: 9-8-2010 21:40

引用:
原帖由 海洋風鈴 於 9-8-2010 21:30 發表
好正喎, 三百蚊都唔使. 都幾扺扺食
識唔識計數架?折實係220幾,同三百相差好遠!
作者: 0060    時間: 13-8-2010 22:59

我在西區居住,唔知幾多歲係長者,不過,好像沒有生蠔食.
作者: 大口仔    時間: 14-8-2010 10:47

引用:
原帖由 0060 於 13-8-2010 22:59 發表
我在西區居住,唔知幾多歲係長者,不過,好像沒有生蠔食.
長者價有排都未輪到你,通常而家65至叫得做長者,重有長者同小童價好似無得打折,計落相差兩三草野而已!話說生蠔當日唔多見,不過食幾件羊架加幾只蟹腳,(如果搶唔到)就整碟辣酒煮青螺,再隊佢幾杯紅白餐酒,加多兩件芝屎餅,就乜都回本啦!如果你同你老婆是但一個生日就重正,送埋只成磅重既芝屎餅比你,計條數重抵過去大家樂食垃圾!






歡迎光臨 笨笨網站超級論壇 (http://www.bunbunhk.com/BBS/Discuz/) Powered by Discuz! 6.0.0