蜜糖的7大美容功效
1. 軟化肌膚的去角質工具
蜜糖一直被視為天然嘅去角質工具，因為佢含少量葡糖酸及其他AHA(α-羥基酸)，有助軟化死皮細胞層。同時，蜜糖含有具滋潤能力嘅氨基酸，能平衡混合性皮膚，最適合成為自家製嘅去角質產品。
不妨試下，將一湯匙純蜜糖與黃糖及檸檬汁各一湯匙拌勻，敷喺面上5-10分鐘，再按摩洗走，可幫助軟化和去角質。如果肌膚上有任何瑕疵或暗瘡，可加入半湯匙肉桂以增加抗菌功效。
2. 乾裂嘴唇的救星
脫皮及乾裂嘅嘴唇一直是不少人嘅煩惱，生蜂蜜係優質嘅天然去角質及保濕產品，唔單止能幫助去除唇上乾燥死皮，更能有效保濕。只需臨瞓時搽少許蜜糖喺唇上，當唇部的sleeping mask，起身嘅時候會發現嘴唇變得柔軟不少。
3. 滋潤龜裂腳跟
蜜糖嘅滋潤作用也可同時用於足部。比起在嘴唇上使用，將蜜糖搽上腳的確有啲麻煩，但佢有效軟化堅硬嘅腳掌同龜裂嘅腳跟。臨瞓前喺雙足塗上蜜糖並著上襪子，一覺醒來就可擁有一對腳部肌膚會變得柔滑細緻！
4. 順滑髮膜
蜜糖能滋潤乾旱嘅髮絲，令頭髮增加光澤。要自製髮膜，首先將一湯匙蜂蜜加入兩湯匙橄欖油（或液體狀椰子油），塗於髮根至髮尾，並戴上浴帽焗20分鐘。如果想加強功效，可利用風筒將頭髮輕輕吹熱。
如果嫌髮膜太麻煩，可以試試將蜜糖加入常用嘅護髮素，敷在頭髮5分鐘再洗去。
5. 治療色斑好幫手
蜜糖除咗有滋潤作用，消炎功效同樣卓越！將蜜糖搽喺色斑同瑕疵上，既能清除細菌及消腫，更能迅速地修復已損皮膚。
6. 淡化暗瘡疤痕
就如之前提及，蜜糖除咗有助減淡色斑，也同樣地適用於暗瘡疤痕。由於蜜糖中嘅酶能與水產生化學反應，令它有輕微嘅漂白作用。因此，抹上少量蜜糖已經能把色斑所留下嘅痕跡淡化不少。
7. 紓緩燒傷及曬傷
蜜糖係其中一種最古老嘅傷口敷料。歸功於其抗菌及抗真菌功效，不但能紓緩曬傷和燒傷，也能加速修復過程。利用乾淨嘅化妝掃抹上蜜糖，並覆蓋好患處即可。
